#周姊妹得救見證
童年的我都比較自卑，所以不喜歡自己和唔開心。直至中學，因為所讀的是基督教學校，所以經常接觸到福音和見證。每當聽到不同人分享的見證和福音時，都會覺得自己被愛，因為耶蘇為罪人受苦，犧牲自己，被釘十字架。而這些罪人都是不可愛和罪有應得的。所以耶蘇對世人的愛包括自己都是無條件，儘管自己是醜陋和不被愛的。因此，在一次學校的音樂福音營受感動決志信主，希望一生𥚃都有主的愛引領。
#葉姊妹得救見證
重生的天使
記得三十幾年前，有位義工朋友送贈了一本「中信月刊」給我閱讀，原本對看書不感興趣的我，但對書中的見証文章就相反的有興趣。由於我是一個超感性的人，看完那些文章都很被感動。這麼多年來閱讀過很多感人的見証，心裡頓覺神的力量真大，改變了很多人成為新造的人，聖經語句最令我深刻的便是「愛人如己」。
所以一直以來，我都本著這點與人交往便覺是人生的正確目標了。
回望過去，自己也曾經歷不少沖擊困難的事，每次經歷總是得到出乎意料的解困力量，心裡覺得似乎有上帝的眷顧幫助，也認為那種力量不是出於自己的。在那些日子我很喜歡聽一些詩歌化解自己心裡的鬱結，因為聽完感到平安喜樂，但我依然固執地沒有真正接受信主。直至一次遇到人生很大的沖擊，嚴重影響到身體狀況不能負荷，心跳得很厲害，胸悶，像快要猝死的狀態，擔憂不能照顧我的家人。幸好經牧師開解後，最後誠心將事情祈禱交託給主，求主幫助渡過困境。這次經歷真難以置信，祈禱過後，一夜間身體不適及胸悶感突然消失了，強烈感到主的同在，而在這段期間，奇妙地出現了像守護天使的朋友來安慰我，使我釋懷。我深深領會到神的恩典，我就是在這樣的情況下頓悟並欣然接受了信主，在二零二三年八月十三日決志了。信主後的思想確實很不同，其後我開始聽很多的聖經講道，學習禱告與神建立直接的關係，聖經裡的真理確實很受用，希望聖靈繼續帶領我步向有意義的人生，給我信心。我感謝主，感謝莫牧師和師母一路的陪伴支持及一班愛我的弟兄姊妹及朋友，奉主耶穌基督之名，阿門!
#黄弟兄得救見證
大家好，好感恩我今日終於可以受洗。今日我就嘗試吓講見證。
係2016年，我爸爸肺癌復發，更被確認為第四期肺癌。因此我同家人們都走入人生既低谷。爸爸處於患癌既困苦中，我媽亦因屋企既變化而終日哭泣。我每日番到屋企就如同再打一份工，講住啲平日我安慰老人家既話語。講到好有希望，但自己係好明白四期肺癌既日子唔多。我每日都要迫自己堅強，不停提自己唔可以倒下。然後每一晚都關埋房門一個人默默地哭泣。
係一個晚上，我真係好累好累。都好唔明白點解我要過咁既生活。不如早啲解脫算？
呢個念頭真係好恐怖下，一出現就千萬種想法都出黎，點樣解脫好？幾時走好？
不如再呻下先，再頂唔順就去啦。咁我就走左去Facebook 呻，結果有一位朋友私下叫我：「不如試下祈禱啦，真係得嫁。」。當大部份朋友留言安慰都係講加油時，佢叫我祈禱，我心諗佢係咪痴左線？因為個位朋友平日講粗口如呼吸一般，仲要我從面聽過佢有信仰，但佢竟然叫我祈禱。
而我又真係聽佢講嘗試下祈禱，我係祈禱到向主講我好辛苦，每日工作已經要不停安撫同照顧老人家，而家放工都唔能夠放低我堅強既面具，我好累，我睇唔到希望。主呀！你聽唔聽到我既禱告？可唔可以幫下我？讓我爸可以好得番，讓我媽可以唔再日日哭泣，讓我都可以支撐落去？
當我嘗試左祈禱過後，一切都好哂。我爸好番，我媽笑番。咁當然就唔會啦！但祈禱過後我好似搵到個樹洞，我可以將我既憂慮分啲比主。就咁我繼續番工照顧老人，放工照顧家人，慢慢地家人係我既鼓勵下同佢地既堅強番黎下變得樂觀。我爸便一直活到現在，今年係佢抗肺癌四期第9年，儘管近期身體轉差，已經轉入舒緩治療既階段，希望一陣大家都一齊為佢祈禱讓佢可以活得舒服啲冇咁痛苦。
而我係個時已經開始信主，期後我再係明愛讀書時遇到一位傻傻既老師，佢每日都帶住笑容黎教書，而上佢既堂佢一定會為學生準備好飲品。而佢亦都好關懷每一位學生。係某日佢同同事們夾錢請同學食飯，更開始搞聚會從中傳福音。如事者，我出席哂相關既聚會，因為有好味而免費既飯盒😍。而認真既係，原來基督徒係咁既，佢地係好溫暖既係好關心人既係好好好好既。唔知我又可唔可以做到呢？
其後係另一位老師帶領下，我便開始番一間九龍城既教會，同步幫教會手係天水圍做事工。九龍城既教會又會入天水圍做事工，主就係咁奇妙，所以我一直好希望受洗，但因我一直在進修同工作好多時都番唔到教會，因而未有受洗。而莫牧師卻不介意花自己既時間，透過電腦教授我信仰同聖經嘅內容，仲好包容我既忙碌，最終黎到今日，我可以正式受洗！ 我感到十分既喜悅，多謝大家一齊見證我人生重要嘅一刻，謝謝。
